.png)
«Նոր Սերունդ» Մարդասիրական ՀԿ-ի (ՆՍՀԿ) և «Բավարիայի երիտասարդական խորհուրդ»-ի (այսուհետ BJR) համագործակցության շրջանակներում 2019թ.-ի հունիսի 10-16-ը Հայաստանից 20 երիտասարդ մասնակցում է փոխանակման ծրագրի Գերմանիայում՝ վերապատրաստվելով որպես երիտասարդական ոլորտի աշխատողներ, ձեռք բերելով գիտելիքներ ու փորձ տվյալ ոլորտում, ինչպես նաև նման գործուղումների և վերապատրաստումների բազում հնարավորություններ։ Երիտասարդ աշխատողների վերապատրաստումները անցկացվելու են Գերմանիայի Դաշնային Հանրապետության Բավարիայի երկրամասի կազմակերպություններում։
Վերապատրաստման ընթացքում երիտասարդները կծանոթանան Գերմանիայում գործող երիտասարդական հիմնախնդիրներով զբաղվող կառույցների գործունեությանը։ Այս ամենը կզուգորդվի
մշակութային-ճանաչողական այցերով։
Հիշեցում!
2018թ.-ի հուլիսի 22-ին «Նոր Սերունդ» Մարդասիրական Հասարակական Կազմակերպության հրավերով Գերմանիայից Երևան էին ժամանել BJR-ի ներկայցուցիչները Մաթիաս ՖԱՔԻ գլխավորությամբ:
Այցի հիմնական նպատակն էր քննարկել Հայաստանում առկա երիտասարդական հիմնախնդիրներն ու կարիքները, փոխանակվել փորձով և գտնել համագործակցության եզրեր:
Հոկտեմբերի 17-24-ը «Նոր Սերունդ» Մարդասիրական ՀԿ-ի ներկայացուցիչները այցելեցին Գերմանիայի Դաշնային Հանրապետություն, որի գլխավոր նպատակը ՆՍՀԿ-ի և
BJR-ի փոխհամագործակցությանվերաբերյալ Հուշագրի ստորագրումն էր։
Փոխանակման ծրագրին Հայաստանից մասնակցող երիտասարդներն ընտրվել են մրցութային կարգով՝ 180 դիմորդներից ընտրվել է 20 հոգի։
