2019 թվականի օգոստոսի 28-ից «Նոր Սերունդ» Մարդասիրական ՀԿ-ի անձնակազմը մեկնարկեց կազմակերպության 2020-2025 թվականների ռազմավարական պլանավորման աշխատանքները։
Փորձագետ Վարուժան Ավանեսյանի ուղղորդմամբ ՆՍՀԿ աշխատակիցները քննարկեցին և հստակեցրին, թե ինչ է իրենից ներկայացնում ռազմավարական պլանավորումը, ինչու է այն կարևոր և ինչ դեր ունի յուրաքանչյուրը դրա արդյունավետ իրականացման մեջ։
Բազմաթվ հետաքրքիր ու բովանդակալից վարժանքների միջոցով աշխատակիցները վերլուծեցին իրենք իրենց՝ գիտելիքները, հմտությունները, մոտիվացիաները և փորձառությունները, ապա իրենց ունեցած դերը կազմակերպությունում և ինչպես են տեսնում իրենց ու կազմակերպությունն ապագայում։
Հանդիպման արդյունքում սահմանվեցին և հստակեցվեցին ոլորտները և ուղղությունները, որոնց շուրջ աշխատում է կազմակերպությունը, ինչպես նաև տեսնում է իրեն այդ ոլորտներում աշխատելիս նաև ապագայում։
Հանդիպումից հետո նախատեսվում են նաև ոլորտային, ֆոկուս խմբային քննարկումներ աշխատակազմի համապատասխան խմբերի հետ՝ առանձին-առանձին։
.JPG)
«Նոր Սերունդ» Մարդասիրական ՀԿ-ի 2020-2025թթ․ ռազմավարական պլանավորումը հնարավոր է դարձել Տղամարդկանց Առողջության Եվրասիական Կոալիցիայի ֆինանսական աջակցությամբ, ՁԻԱՀ-ի, տուբերկուլոզի և մալարիայի դեմ պայքարի Գլոբալ Հիմնադրամի ֆոնդերի հաշվին։