Ծրագրի համակարգողի թափուր աշխատատեղի բաց մրցույթ

«Նոր Սերունդ» Մարդասիրական ՀԿ-ն հայտարարում է «Առողջության Իրավունք» ծրագրի համակարգողի թափուր աշխատատեղի բաց մրցույթ:  

Պաշտոնի անվանումը` Ծրագրերի համակարգող:

Անմիջական ղեկավար` Ծրագրի ղեկավար:

Սկիզբ` Հունվարի 15, 2019թ․
 

Տևողությունը` Մեկ ամիս փորձաշրջանով (երկարացման հեռանկարով)

Հաստիքը՝ ամբողջ դրույք:

Աշխատանքի նկարագրություն.

• իրականացնել ծրագրի համակարգման ամբողջական աշխատանքները.

• համակարգել ծրագրի աշխատակազմին և ապահովել թիմային աշխատանք.

• համակարգել և կազմել հաշվետվություններ՝ ծրագրի զարգացման, առաջընթացի, իրականացման, մոնիթորինգի և գնահատման վերաբերյալ.

• պատրաստել ծրագրային փաստաթղթեր` ներառյալ հաշվետվություններ, աշխատանքային պլաններ, տեխնիկական փաստաթղթեր.

• կազմել, հետևել և պարբերաբար թարմացնել ծրագրի աշխատանքային պլանը` հիմնվելով փոփոխման անհրաժեշտությունների և պահանջների վրա.

• ապահովել ծրագրի տարբեր կոմպոնենտների համապատասխանելիությունն ու փոխլրացումը.

• ապահովել ներքին և արտաքին հաղորդակցություն` ելենելով ծրագրի պահանջներից.

• իրականացնել համագործակցություն և ապահովել փոխադարձ կապ այլ հետաքրքրված կառույցների հետ.

• Կատարել հետազոտություններ, տրամադրել տեղեկատվություն հանրությանը լուսաբանելու համար։

• Իրականացնել ծրագրի ամբողջական աշխատանքների մշտադիտարկում և գնահատում ծրագրի ղեկավարին ներկայացնել ամենամսյա հաշվետվություններ և զեկույցներ։

• Իրականացնել ծրագրային հրամանների կազմում։

• Կազմել և ներկայացնել մշտադիտարկման ցուցակները։

• Ամիսը մեկ անգամ կազմակերպել աշխատանքային ժողովներ։

• Ընդունել ծրագրի աշխատակաիցների և/կամ փորձագետների աշխատանքը։

• Կազմակերպել սեմինարներ, խորհրդատվություններ, քննարկումներ։

• Իրականացնել շահառուների և մասնակիցների գնահատում և վերլուծություն։

• Կազմել ծրագրային արձանագրությունները և հաշվետվությունները հայերեն և անգլերեն թարգմանությամբ ներկայացնել ծրագրի ղեկավարի հաստատման։

• Ժամանակին ներկայացնել արձակուրդային գնացող ծրագրի պայմանագրային աշխատակիցները ցուցակը։

• Կատարել ամենօրյա աշխատանքային վերահսկողություն ծրագրի աշխատողների հանդեպ։

• ապահովել կազմակերպության և ծրագրի գույքի խնայողական օգտագործում.

• իրականացնել տեղային այցեր և մշտադիտարկումներ.

• «Գործատու»-ի հրահանգներին և ներքին կանոնակարգին համապատասխան իր աշխատանքը կատարել անձամբ, պատշաճ, ազնվորեն և բարեխիղճ՝ համաձայնեցված աշխատաժամանակի ընթացքում.

• պահպանել իրեն հատկացված գույքը, տեխնիկան և սարքավորումները, ինչպես նաև հետևել «Գործատու»-ի տված աշխատանքային ցուցումներին և գործատուի առաջադրած պայմաներին.

• պահպանել առողջական, տեխնիկայի անվտանգության, հակահրդեհային պահպանության կանոնները: Հրդեհի առաջացման դեպքում միջոցներ ձեռնարկել նրա դեմ.

• կատարել ՀՀ օրենսդրությամբ սահմանված իր աշխատանքային պարտականությունները` ենթարկվելով ներքին կարգապահական կանոնների պահանջներին.

• կատարել պաշտոնական հրահանգներով կամ վերադասի /ների/ հրամաններով և կարգադրություններով իր վրա դրված պարտականությունները, ենթարկվել իր անմիջական ղեկավարի օրինաչափ պահանջներին.

• աշխատանքային օրվա ընթացքում աշխատաժամանակն օգտագործել իր աշխատանքային պարտականությունների պատշաճ կատարման նպատակով և չկատարել իր աշխատանքային պարտականություններից շեղվող` «Գործատու»-ի, ղեկավար անձանց կողմից իրեն չհանձնարարված այլ աշխատանք.

• իր պարտականությունների շրջանակներում, անհրաժեշտության դեպքում, կատարել աշխատանք` ոչ աշխատանքային և տոնական օրերին.

Պահանջվող որակավորում.

• Բարձրագույն կրթություն

• Համակարգիչ՝ MS Office, Internet Outlook

• Տվյալների վերլուծության ունակություն

• Հայերենի և ռուսերենի գերազանց իմացություն (անգլերենի իմացությունը ցանկալի է)

• Թիմում աշխատելու ունակություն

• Լավ հաղորդակցման ունակություններ

• Ստեղծագործական ջիղ

• Պատրաստակամություն աշխատելու ըստ գործատուի պահանջների:

Հետաքրքրված անձիք պետք է իրենց ինքնակեսնագրականն ու մոտիվացիոն նամակն (մինչև 150 բառ) ուղարկեն jobngngo@gmail.com հասցեին մինչև 2019 թվականի հունվարի 15 -ը՝ նպատակ դաշտում նշելով «Առողջության Իրավունք ծրագրի համակարգող»: