ՏՍՏ և տրանս անձանց շրջանում կարիքների գնահատման փորձագետների բաց մրցույթ

24 August, 2018

«Նոր Սերունդ» Մարդասիրական ՀԿ-ն «Առողջության իրավունք» ծրագրի շրջանակներում հայտարարում է ՏՍՏ և տրանս անձանց շրջանում կարիքների գնահատման փորձագետների բաց մրցույթ:

Տևողությունը` պայմանագրային

Աշխատավայրը` Հայաստան, Ք. Երևան

Պաշտոնը` 1) Միջազգային փորձագետ

2) Տեղական փորձագետ

3) Համայնքային փորձագետ

Հաշվետու է` Ծրագրի համակարգողին

Հայտարարության ակիզբը` Օգոստոսի 24, 2018թ.

Դիմումների վերջնաժամկետ` Սեպտեմբերի 15, 2018թ.

Աշխատանքի նկարագրություն.

Համագործակցելով միմյանց հետ` կատարել ուսումնասիրություններ IBBS-ում (ՄԻԱՎ-ի վերաբերյալ կենսաբանական և վարքագծային հետազոտություն) ներգրավված աշխատակիցների շրջանում, ուսումնասիրությունների արդյունքում բացահայտել ծրագրի անցկացման ընթացքում ծագած խնդիրները, բացերը և առանձնահատկությունները:
Իրականացնել ծրագրի ընթացքում հետազոտություններին մասնակցած շահառուներից (ՏՍՏ և Տրանս) կազմված 2 ֆոկուս խումբ քննարկումներ` հասկանալու հետազոտությունների ընթացքում ծագած խնդիրները, բացերն ու առանձնահատությունները:
Կատարված ուսումնասիրությունների արդյունքում կազմել զեկույց` ներառելով բոլոր այն առաջարկները, բողոքներն ու պահանջները, որոնք միտված կլինեն բարելավելու IBBS-ի հետագա աշխատանքները:

Պահանջվող որակավորումներ.

Զեկույցներ կազմելու հմտություններ,
Ուսումնասիրություններ և հարցազրույցներ իրականացնելու փորձ,
ԼԳԲՏ համայնքի հետ աշխատելու փորձ կամ պատրաստակամություն,
Հայերենի և անգլերենի գերազանց իմացություն:

Կրթությունը սոցիոլագիայի կամ հոգեբանության ոլորտում կդիտվի որպես առավելություն:

Բոլոր հետաքրքրված անձանց խնդրում ենք իրենց ինքնակենսագրականներն ուղարկել jobngngo@gmail.com էլ.հասցեով` թեման նշելով Փորձագետ:

Մանրամասն տեղեկությունների համար կարող եք զանգել՝ +374 60 487979, +374 60 378989:

«Առողջության իրավունք» ծրագիրն իրականացվում է «Նոր Սերունդ» Մարդասիրական ՀԿ-ի կողմից և ֆինանսավորվում է Տղամարդկանց Առողջության Եվրասիական Կոալիցիայի (ECOM) միջոցով, ՁԻԱՀ-ի, տուբերկուլոզի և մալարիայի դեմ պայքարի Գլոբալ Հիմնադրամի ֆոնդերից: