Աութրիչ աշխատողների թափուր աշխատատեղի բաց մրցույթ

«Նոր Սերունդ» Մարդասիրական Հասարակական Կազմակերպությունը հայտարարում է աութրիչ աշխատողների թափուր աշխատատեղի բաց մրցույթ «ՄԻԱՎ-ի և ՁԻԱՀ-ի կանխարգելումն ու տեղեկացվածության մակարդակի բարձրացումը ՏՍՏ-ների և Տրանս* անձանց շրջանում Շիրակի, Լոռու մարզերում և Երևան քաղաքում» ծրագրի շրջանակներում:

Տևողությունը`                                                 1 ամիս (փորձնական)` երկարացման հնարավորությունով

Աշխատավայրը`                                              Հայաստան, ք. Երևան

Պաշտոնը`                                                         Աութրիչ աշխատող

Սկիզբը`                                                              01.04.2018թ.

Հաշվետու է                                                       Ծրագրի համակարգողին

Դիմումների վերջնաժամկետ`                       23.03.2018թ.

Այս պաշտոնի հիմնական գործառույթները ներառում են բայց չեն սահմանափակվում հետևյալով` շահառուների հայտնաբերում, առաջնային խորհրդատվության տրամադրում շահառուներին, գործավարություն, հանդիպումների և սեմինարների կազմակերպում:

Պարտականություններ՝

1. Հայտնաբերել հավանական շահառուներին
2. Տրամադրել խորհրդատվություն անվտանգ սեռական հարաբերությունների եւ վարքագծի, ինչպես նաև պահպանակների և քսանյութերի օգտագործման վերաբերյալ:
3. Շահառուներին տրամադրել  պահպանակներ, լուբրիկանտներ և կրթատեղեկատվական նյութեր. Կազմակերպել և իրականացնել փոխօգնության խմբեր ու հանդիպումներ շահառուների հետ:
4. Շահառուներին տրամադրել տեղեկատվություն կամավոր խորհրդատվության և հետազոտության ծառայությունների վերաբերյալ, ուղղորդել օգտվելու ԿԽՀ ծառայություններից, անհրաժեշտության դեպքում ուղեկցել:
5. Իրականացնել աութրիչ աշխատանք մարդաշատ վայրերում:
6. Թիրախային խմբերի հետ իրականացնել միջոցառումներ, քննարկումներ
7. Մասնակցել աշխատակազմի հանդիպումներին, ժողովներին, ներկայացնել կազմակերպված միջոցառումների և թիրախ խմբերի հետ շփման արդյունքները:
8. Վերադասին տրամադրել աշխատանքի մասին ամսական հաշվետվություն համաձայն պահանջների
9. Պատվիրատուի կողմից կազմակերպված դասընթացների և այլ միջոցառումների ժամանակ ապահովել շահառուների մասնակցություն:
10.  Պահպանել շահառուի և նրա հետ տարված աշխատանքի, կատարված աշխատանքների հաշվետվությունների, այդ թվում շահառուներին բաժանված պարագաների և նյութերի քանակի մասին գաղտնիությունը:
11.  Իրականացնել տեղային այցեր և մշտադիտարկումներ համաձայն Պատվիրատուի հրամանի:
12.  Պատվիրատուի հրահանգներին և ներքին կանոնակարգին համապատասխան իր   աշխատանքը կատարել անձամբ, պատշաճ, ազնվորեն և բարեխիղճ՝ համաձայնեցված աշխատաժամանակի ընթացքում:
13.  Պատվիրատուի պահանջով վերջինիս տրամադրել մատուցվող Ծառայությունների     ընթացքի վերաբերյալ տեղեկատվություն:
14. Կատարել այլ համապատասխան պարտականություններ ըստ պահանջի:

Պահանջվող որակավորում`

• Աութրիչ աշխատանքների փորձ
• ՄԻԱՎ-ի և ՁԻԱՀ-ի մասին գիտելիքների նվազագույն իմացության առկայությունը ցանկալի է
• Համակարգիչ` MS Office, Internet Outlook
• Տվյալների վերլուծության ունակություն
• Հայերենի գերազանց իմացություն, անգլերենի իմացությունը խրախուսվում է
• Թիմում աշխատելու ունակություններ
• Լավ հաղորդակցման ունակություններ
• Ստեղծագործական ջիղ
• Պատրաստակամություն աշխատելու ըստ գործատուի պահանջների

Ցանկացողները պետք է իրենց ինքնակենսագրականները հայերեն տարբերակով ուղարկեն jobngngo@gmail.com  էլ. հասցեին մինչև 2018թ.-ի մարտի 23-ը` նպատակ դաշտում նշելով «Աութրիչ» բառը: