«Նոր Սերունդ» Մարդասիրական ՀԿ-ն շնորհավորում է բոլորին և վստահեցնում, որ շարունակելու է հավատարիմ մնալ իր սկզբունքներին և իրականացնել 2004 թ.-ից որդեգրած մարդասիրական առաքելությունը:
Բարեգործության միջազգային օրը սահմանվել է 2012 թվականի դեկտեմբերի 17-ին, ՄԱԿ-ի Գլխավոր վեհաժողովի 67-րդ նստաշրջանի ընթացքում:
Ամսաթվի ընտրությունը պատահական չէ. սեպտեմբերի 5-ը կաթոլիկ միանձնուհի, Նոբելյան մրցանակակիր Մայր Թերեզայի մահվան տարելիցն է:
Նպատակը հանրության ուշադրության գրավումն է աղքատության և հումանիտար սուր խնդիրների հաղթահարման համար բարեգործական կազմակերպությունների և անհատների գործունեության վրա, նրանց աշխատանքի խրախուսումը և աշխարհում մարդկանց, հասարակական կազմակերպությունների ու շահագրգիռ կողմերի մոբիլիզացումը՝ կամավորական ու բարեգործական աշխատանքներին մասնակցելու համար: