2019թ․-ի փետրվարի 15-ին տեղի ունեցավ քաղաքացիական հասարակության և համայնքահեն կազմակերպությունների ներկայացուցիչներից ձևավորված խորհրդակցական խորհուրդի առաջին աշխատանքային հանդիպումը, որը ձևավորվել է «Առողջության իրավունք» ծրագրի շրջանակներում՝ որպես փորձագիտական և խորհրդատվական ոչ ֆորմալ անկախ մարմին, որի գործունեությունն ուղղված է ՄԻԱՎ-ի կանխարգելման և տրամադրվող ծառայությունների ոլորտում առավել խոցելի խմբերի և համայնքների խնդիրների բարձրաձայնմանը և տվյալ համայնքների ներգրավվածության խթանմանը որոշումների կայացման գործընթացում։
Հանդիպման ընթացքում քննարկվեցին և հստակեցվեցին խորհդակցական խորհրդի նպատակը և սկզբունքները։ Հաստատված նպատակի և սկզբունքների հիման վրա հստակեցվեց թիրախ համայնքը՝ ՏՍՏ-ներն ու տրանս կանայք։ Մանրամասն քննարկվեցին խորհրդակցական խորհրդի կանոնադրության դրույթներն ու կետերը։
Հանդիպումն անցավ բուռն քննարկումների և խորհուրդի արդյունավետ գործունեությանը միտված բազմաթիվ առաջարկների խանդավառ մթնոլորտում՝ մինչև հաջորդ հանդիպումը կանոնադրության փաստաթղթի միասնական մշակման աշխատանք կատարելու նպատակադրվածությամբ և հաջորդ ամսվա ընթացքում հանդիպելու և հետագա անելիքները քննարկելու ակնկալիքով։
Խորհրդակցական խորհուրդը ստեղծվել է «Նոր Սերունդ » Մարդասիրական ՀԿ-ի նախաձեռնությամբ «Առողջության իրավունք» ծրագրի շրջանակներում, որն իրականացվում է Տղամարդկանց Առողջության Եվրասիական Կոալիցիայի (ECOM) ֆինանսական աջակցությամբ, ՁԻԱՀ-ի, Տուբերկուլյոզի և Մալարիայի դեմ պայքարի Գլոբալ Հիմնադրամի ֆոնդերի հաշվին։
.JPG)